Ar Staines: 18 Meitheamh 1972

Coinne le bás,
Bás san aer,
Bás tobann,
Bás do thuigthe,
Bás do chreidthe,
Aontú le Dia
cúis an áir
áthas orainn
nó brón 'nár gcroí..

Grá

Barr na sléibhe?
Béim ar éileamh?
Céim ar choiscéim?

Cuardach anama
'lorg tú féin
'lorg do cheangailt
le Rí na Glóire
'sa Mháthair séimh.

Gráítear,
ní thitear i ngrá
'sní bhrathaítear ar fhreagra.
Íobairt tá ann,
mar íobairt an Chnoic,
íobairt gan stad,
íobairt toilte
'sní tuilte.

Pian trí chroí
ríocht, draoícht, saoíocht,
grá.

Déan é!

Déan go láidir é
nuair atá cinnteacht agat.
Baol nach ndearnadh é
eagla 'nár intinn -
cinnteacht ann chomh maith.

Toil é
Dean é.

... ...

Arur!

Bhualas le Bascach anocht,
ó náisiún nach tír í,
curtha chugam chun mé a gríosadh,
a neartú.

Deich neomat -
árdú chroí -
domsa -
dó-san -
Ansin go tobann,
sa dorcadas,
slán, oíche mhaith,
Arur!

Tuiscint

Tuiscint
Obair do ghrá
Deachrachtaí,
Sáraithe ag grá
tré thuiscint.

Céard é do dheachreacht?
Mise.
Gan céard, an ea?
Do hiníon ró-lág?
Conas?
Bhfuil tusa ró-shaolta -
Do shaol ró chrua ort -
Ar líon do shaol thú?

Tuigeann muid seo -
Mé féin is do leanbh-sa
Nach éasca an rud é
An saol seo le chéile
Ach tré chomhthuiscint
is féidir deachreachtaí a sharú
le grá.

Domhnach Cincíse 2007

Ar aifreann ar maidin chuaigh na focail seo i bhfeidhim orm:

"Alleluia! Alliluia! Tar chugainn a Spiorad Naofa, líon croíthe na gCríostaithe agus fadaigh iontu lasair do ghrá! Alleluia!

Go dtarlódh sé!

Domhnach Cincíse 2007

Inníu breith lá na hEaglaise - Domhnach Cincíse.

Ar Aifreann dom ar maidin chuaigh na focali seo i bhfeidhm orm!

Alleluia! Alleluia! Tar chugainn a Spiorad Naofa, líon croíthe na gCríostaithe agus fadaigh iontu leasair do ghrá! Alleluia!

Aiméan!

Nach íontrach an rud é an creidimh. Níl amhras ar bith agam ach go bhfuil a scéal seo fíor agus go bhfuil Íosa Chríost beo éirithe ó mharbh. Agus feicim nach gcreaideann an-chuid thar timpeall orm na rudaí seo.

An toghchán

Muise! Tá sé deachair coimead suas le cúrsaí agus an blag seo a choimead sa tsuil.

Ar aon nós.

Bhí an chuid spóirt anse agus daoin ag iarradh a dhéanamh céard a tharlódh sa toghchán anseo i nGaillimh Thiar. Ar ndóigh bhí fhios ag chuile duine go mbeaidh Éamo istigh gan troiblóid ar bith ach bhí an cosúileacht ann go raibh gach éinne eile i dtroiblóid. Ach ní mar a shíltear bítear. Níor tháinig athrú ar bith. Na TDanna céanna atá againn. Cuireadhh na torthaí thuas ar Torthaí Ghaillimh Thiar!.


I rith an toghcháin scríobh mé dhá alt a foilsíodh i Lá Nua ceann amháin faoi na postaerí a bhí i mBéarla agus an ceann eile faoi na billeoga a bhí mar an gcéanna.

Tá nascanna chuig an dá alt seo le fáil ón gCúiléisteoir Uimh: 2.21.

“No Gaeilge” i gCois Fhairrge

Is mó an lúcháir a bhí sa cheantair nuair a fuair Pharóiste an Chnoic duais Glór na nGael cupla seachtaine ó shin.

Tá neart obair déanta ag an gcoiste áitiúl Ghlór na nGael ar son chaomhnú na teangan san áit agus uaireaanta is in aghaidh easa atá siad ag dul.

Tóg cúrsaí comharthaí sealadacha ar thaobh an mbóthar mar shaampla. Gan aon amhras siad na ceantálaithe an dream is measa sa chás seo. “For Sale”, “Site for Sale” “Apartment to let” agus eile ar fúd na duthaigh ar fad. Le déanaí tugtar faoi deara go bhfuil comhlucht amháin ag cur suas “Le díol” agus go leanfaidh an nós sin.

Tháinig banda leathan saitilíte chuig an Spidéal, seachtain nó dhó ó shin agus ní nach ionadh bhí an comhlacht ina mbun – Digiweb - ag iarraidh poiblíocht agus breis cuistiméirí fháil. Chuireadar fógraí móra ar na boithre ag dul isteach sa bhaile. Fógraí i mBearla ar fad a bhí ann.

Is cosúil go ndéarna an comhlucht céanna an rud céanna i gCarna bliain nó dhó ó shin.

Scríobh mé chuca ag iarraidh miniú ar an scéal. Ach freagra ní fhuair mé!

Tá sé éasca meoin Digiweb a thuiscint nuair a fhéacann tú timpeall ar na comhlachtaí atá ag freastal ar muintir na h-áite: Óstáin – Ostán na Páirce mar shampla, áit atá á úsáid go minic ag muintir na háite níl ach Béarla ag an dá bhealach isteach ón bpríomh bhóthar; Siopaí - Siopa an Phoball, an siopa Supervalu, ag fógairt go bhfuil sé ar oscailt go dtí a naoi san oíche, i mBéarla, ar na lampaí sráide ar an mbóthar agus na slad mhargadh á fhógairt istig sa siopa (agus sa phost) imBéarla amháin; Ionad seirbhíse charranna ag Cnoc na hAille, boinn pollta, glanadh charranna, artola 7rl-Béarla amháin. Is masla iad seo go léir ar phoball na háite.

Tugann siad seo le tuiscint nach fiú bacadh le teanga ársa mhuintir na Gaeltachta.

Deirtear uaireanta gur ceart Béarla a úsáid chun freastaal ar na turasóirí. Is cosúil nach chuireann úsáid na Gaeilge isteach ar Siopa Standúin atá plódaithe le turasóirí gach lá. Ní dóigh liom go bhfuil laghdú ar ghnó Banc Aontas Éireann agus a bhfuinneoga le fógraí móra i nGaeilge amháin.

Ní bhaineann an Acht Teanga le comhluchtaí nach eagrais stáit iad agus níl cumhacht ar bith ag an gCoimisinéir Teanga leis na gcásanna seo. Níl aon dul as ach scríobh nó glaoch ar an gcomhlucht agus do thuairimí a léiriú go béasach leo. I gcás Digiweb is féidír glaoch ar an uimhir 1800 28 58 28 no sa rphoist:

sales@digiweb.ie.

Pic: Fógra Digiweb ar an Spidéal

Seo alt ag an An Dr Pádraig Ó Laighin i Lá Nua "Comharthaí bóthair agus fís an rialtais!"

Blagadóir na bliana!

Déanaimíd comhgáirdeas le Conn Ó Muineachán ó bhuaigh sé an Grand Prix san Digital Media Awards i rith na seachtaine seo chaite.

Seo na tuairiscí

An tImeall

agus Lá Nua

Ar aghaidh go Duaiseanna Blagadóireachta na hÉireann

Beir bua a Choinn...

Sioc agus fataí!

Sioc amuigh ar maidin inniú.

Is annamh a thárlíonn san anseo ar cósta iarthair na tíre. Tá súil again go maróidh sé na péisteanna beaga sa cré a itheann fataí agus iad ag fas sa tsamhradh!

Bhí toradh maith againn ad deireadh samhradh 2006 agus tá muid fós a baint úsáid as na fátaí a cuireadh anuireadh. "Druid" ainm an cineál fataí a chuir muid agus tá siad thar a bheith mór agus blasta.

Caithfimíd smaoineamh ar iad fháil arís i mbliana.

Ceangailte?

Bíonn trioblóid agam leis an nasc leis an gcóras bhanda leathan ó thús Mí na Nollag.

Thosaigh na stoirmeacha ar an 10ú lá Nollaig agus seachas corr-lá anseo is ansiúd bhí an gaoith ag séideadh ó shin!

Is ceangal gan sreang atá agamsa leis an gcóras agus muna bhfuil na h-aeróga i geart agus cumhacht ag dul chuchu ní féidir leis an córas oibriú i gceart.

Diaidh ar ndiaidh tiocfaidh feabhas ar an gcóras agus láidreóidh sé nuair a thagann daoine eile isteach air.

Tá mise ceangailte le córas WAN agus is féidir níos mó eolas a fháil faoi seo ar na leathanaigh seo:

http://doc.thewan.net/forum/ - baineann an grúpa seo le Co na Gaillimhe don chuid is mó.

http://www.irishwan.ie/index.php - baineann an chóras seo le Co an Chlár níos mó na ceantreacha eile.

"Sé áthas an Tiarna do neart!"

Tháinig na smaointe seo chugam ag Aifreann inné!

Is cuimhin liom ag cruinniú urnaithe i mBaile Átha Cliath timpeall 10 no 15 bliain ó shin chuaig mé chuig daoine le haghaidh paidir príobháideach. Bhí mé beagáinín gruama ionam fhéin, in ísle bhrí, dúlagan imní orm!

"'Se áthas an Tiarna do neart!"

Bhí beirt ag paidireoireacht liom (Kay agus Dermot). D'fhanadar liom ar fead trí nó ceithre neomaid ag urnaí i mBéarla agus i dteangacha. Ag an deire dúirt Kay liom go raibh "focal" aici dom. Agus ansin dúirt sí na focail: "'Sé áthas an Tiarna do neart!"

Bhí íontas éigin orm na focail seo a cloisint mar bhí mé tar éis bheith ag léamh leabhair le Frank Sheed "To know Christ Jesus" agus ar an cludach bhí píosa ag caint faoi chomh aineolaach a bhíomar ar Íosa ina phearsantacht. An bhfuil fíoraithne air mar dhuine? An raibh sé ag caoineadh ríomh ina shaol agus caithin? Luaigh Sheed go raibh áit amháin sa scrioptúr ina luaitear go raibh áthas air. Agus mar sin de. (ISBN: 9780898704198: Ignatius Press, Béarla)

Chuaig mé abhaile agus mé ag smaoineamh ar an focal a bhí ag Kay dom. Níor chuala mé cheana iad agus cheap mé go raibheadar bainteach leis an meon a bhí orm ag an amm - duibheagán croí.

Agus ansin trí nó ceithre seachtaine tár éis na Nollag bhí mé ag Aifreann agus gan mórán áird á thabhairt don léamh ar an lá sin nuair a chuala mé an focal arís ón duine a bhí ag léamh: "Sé áthas an Tiarna do neart!" (Tá sé le fáil i Leabhair Nehemiá 8:10).

Ó shin déanaim iarracht áthas an Tiarna a fheiscint I mo shaol fhéin agus i saol na hEaglaise. Má tá athas ann tá an Spiorad Naomh ann. Mar tá an Spiorad Naomh ann bíonn a torthaí le feiceáil, “Grá, Lúcháir, Síocháin, Foighne, Cineáltas, Dea-chroí, Láchas, Dílseacht, agus Féinsmacht.”

Mar a deireann N Pól, "Bígí lucáireach i gcónaí sa Tiarna. Deirim arís é: Bíodh lúcháir oraibh."

Agus má tá tú ag lorg an áit in a deireann sé go raibh áthas ar Chríost tá sé ráite ag Lucás 10:21 nuair a deireann sé go ndearna íosh "gairdeas sa Spiorad Naomh."

Bíodh gairdeas an Spiorad Naomh orainn go léir i gcónaí.

(Foilsíodh an píosa seo in Iriseán Ardeoise Thuama, New Dawn, Earrach 2013)

Saddam Husséin

Chuala mé ar maidin gur crocadh Saddam Husséin.

Is cuma cé comh huafásach is atá na rudaí a rinne sé ní dóigh liom go bhfuil an ceart ag éinne deireadh a chur le saol éinne eile.

Go ndéana Dia trócaire lena a anam, agus ar anamnacha na mílte a daor sé féin chun bháis.

An lá dár gcionn!

Glaogheas ar mo mháthair inniú.

Ní raibh fhios aici cé bhí ar an bhfón agus bhí orm a mhiniú di cé bhí ann roint mhaith uaireanta.

Nach aisteach an rud é an cuimhne? Ní féidir liom a shamhlú mé fhéin a bheith mar sin, gan aithne agam ar mo chuid leanaí fhéin ó neomad go neomad. Conas is féidir le duine daighleáil le rud mar sin?

Bhí lá aoibhinn againn inné - neart le n-ithe agus an clann le chéile arís.

Áthas agus áileacht na Nollag a bheith againn anois agus i rith 2007!

Rí na nUile..

Chuala mé é seo ag an Aifreann ar maidin, féile Chríost Rí.

‘Dúirt Pioláit leis: "Ach is rí thú ámh?" D'fhreagair Íosa: "De réir mar a deir tú, is rí mé. Chuige seo a rugadh mé agus chuige seo a tháinig mé ar an saol -- chun fianaise a thabhairt ar an bhfírinne. Gach aon duine gur den fhírinne é, éisteann sé le mo ghlór."’

Ait go leor bhí mé ag smaoineamh ar an fhírinne aréir.

Chuala mé tracht ar duine éigin i gCanada ag rá gurab é seo nó é siúd "a fhírinne fhéin." An féidir sin a bheith fíor? An féidir liomsa "mo fhírinne fhéin" a bheith agam?

Fírinne coibhneasta a tugtar ar an cinéal sin fírinne. Ach an féidir fírinne a bheith mar sin?
Seasann an fhírinne leis fhéin. Deirtear "an fhírinne ghlan" mar ní féidir cur leis ná tógaint uaidh.

Nach ceart é nach bhfuil ach an taon fhírinne amháin ann agus munar ionann "mo fhírinne fhéin" agus an fhirinne sin nach bréag í an fhírinne atá agamsa?

Thar n-ais!

Chaith mé an-chuid is mó den seachtain i mBaile Atha Cliath.

Ta an trácht ag éirí níos measa ansin agus is íontach go deo a bheith thár n-ais anseo i gConamara.

Bhí an Raidío ar siúl an-chuid den ama a bhí mé sa charr. Is íontach an difríocht idir "na meán" Bhéarla bunaithe i mBaile Átha Cliath agus na meán Ghaeilge atá bunaithe "faoin dtuath".

Tóg mar shampla an suíomh atá ag Raidío na Gaeltachta.

Is léir gur suíomh RTÉ atá ann agus má bhrúann tú ar aon cheann de na nascanna ar bharr (NUACHT SPÓRT SIAMSAÍOCHT GNÓ TEILIFÍS RAIDIÓ AIMSIR EOLAS) agus téann tú caol díreach go droch bhéasach, istig i suíomh bhéarla an "Stáisiún Náisiúnta." agus an saol Bhéarla. Tá nascanna Gaeilge ann ach má tá tú ag lorg Nuacht, nó spóirt reatha mar shampla níl siad le fáil i nGaeilge.



Anois téir chuig suíomh TG4.

Is léir gur suíomh Gaelach atá anseo againn. Tá sé béasach ag 'speáint cá bhfuil an Bhéarla agus Gaeilge ann. Tá nuacht agus eile le fáil mar atá sé ar an dteilifís féin. Tá mórán le foghlaim ag RTÉ.

Cé gur as Baile Átha Cliath Raidío na Life tá siad seo béasach don té atá ag lorg Gaeilge.

Ar sathairn

Bhí orainn dul isteach ag an mbaile ar Sathairn.

Bhí na mná ag siopadóireacht.

Chuaigh mé isteach i siopa Charley Byrnes and thosaigh mé ag brabhsáil i measc na leabhair. Thosaigh mé ag lorg an leabhair "Fontenoy" a bhí tar éis duais a bhuachaint ag an Oireachtas ach ní raibh sé le feiscint.

Smaoinigh mé gur ait an rud é nach mbíonn feachtas díolaíochta d'aon leabhair Gaeilge fiú má bhuann sé duais.

Bhí an t-am ag imeacht agus chuaig me ag siúl síos that an Taidhbhearc - ní raibh fógra ar bith ann faoi aon dráma, nó rud ar bith i nGaeilge le feiscint taobh amuigh den amharclann.

Bhuail mé isteach chuig Séipéal na hAibhistínigh ansin. Tá an jab déanta acu den mhaisiúcháin ansin. Shiul mé thar timpeall ag breathnú ar an scríneacha agus eile. Ansin thug mé faoi deara go raibh sagart ag éisteach le faoistiní ann. B'fada ó bhí mé ag faoistin agus chinn mé ar dhul ann. Rud a rinne mé.

Bhi mé i gceart arís le Dia agus liom fhéin.

Moladh go deo le Dia.