Bhi cuairtoir istigh sa chistin againn inniú. Ní fios dúin conas ar tháinig sé isteach ach bhí sé ann ar an úrlár le feiscint go soiléir. Laghairt a thugann
tearma.ie air. Níl ach an t-aon ceann anseo in Éirinn deirtear agus glaoghtar laghairt choiteann air. Tugtar ainm eolaíochta "lacerta vivipara" nó "zootoca vivipara" air.
Fuair mé amach ó shin ó scríos an píosa seo (gura maith agat a Dhónaill Uí Chnáimhsí) go bhfuil ainm i bhfad níos deise air áfach earc luachra. Tá neart ainmneacha eile lúaite ar shuíomh phota focal.
Bhí sé timpeall sé n-orlach ar fhaid and dath donn dorcha air. Bhí sé ina sheasamh agus thaistigh ó bhean a tí go dtógfainn amach as an áit go sciopadh é. Thóg mé píosa nuachtáin agus rinne mé iarracht é a shleamhnú faoi ach ansin do rith sé uaim. Rith sé chomh fada leis an mballa agus buíochs le Dia ní raibh spás ann dó dul isteach i bpoll éigin. Bhí mé i ndán é a scúpáil isteach i sluasaidín agus thóg mé amach chuig an garraidh é.
D'fhág mé ar an mball ansin é agus d'fhan sé ansin ar feadh neomad ghearr agus ansin d'imig sé as radharc le preab.
• Tá Iontaobhas Fiadhúlra na hÉireann (Béarla) ag déanamh suirbhé ar an ainmhí seo agus má feictear iad ag tuairisc air a dhéanamh leo.
• Tuilleadh eolas faoi anseo i mBéarla.
Is iontach liom nár bhfaca mé a dheartháir riamh in Éirinn. Ach, is cuimhin liom uair amháin agus mé óg, nuair a bhí mé san Iodáil, chonaic mé a mhuintir go fairsing ag dul i bhfolach sna ballaí tuaithe. Ó, ababúna, chuir a radharc sceitimíní áthais orm. Ní raibh go leor Iodáilise agam an t-ardú chroí a chur in iúl do mo chomhghleacaithe Iodáileacha, ach mé ag éamh i dtaobh na "crocadrillini" ( na crogailíní )a chonaic mé!
ReplyDeleteLá dem shaol.
Fearn